Ka hnuoi dam sung ni her vel peia hin
Phuahtu: B. Lalthlengliana
KHTB 305
DAM SUNG NI KA TIEM THIEM TAH
Ka hnuoi dam sung ni her vel peia hin,
Natna le beidawng, tam le khawsawtna;
Sum le pai tlaksam le retheinaha'n,
Mi chim vel sien khawm hmun a chang ta nawh.
Hnuoi ram buoina le thina hung tlung hin,
Ka nun ram Krista a sukhning ngai nawh;
Lal remruot hung tlung ka hun tawng peiah,
Buoi naw ning dam sung ni ka tiem thiem tah.
Lal remruot lo thil thlung hrim a um nawh,
Thil hung um mek hi um ding hrim a nih;
Thil mak le thil thar hrim khawm a um nawh,
Chatuona van Lal ruot a lo ni ie.
Hmun le ram bik khawm hi a lo um nawh,
Hmun tlawm le hmu hlu hrim a um bawk nawh,
Mi lien le mi chin, lal le anrieng nau,
Lungruolna Zion tlanga leng ei nih.
