Lalsin thawtu an tlawm ram lak ding a la tam
Phuahtu: H.N. Ruma
KHTB 298
GOSPEL HMASUONIN
Lalsin thawtu an tlawm ram lak ding a la tam,
Tu'm feng ei ta tlanna thu hril dingin?
Dak suok la, en vel tam, tlanna hre naw hai hi,
Vawisun hi Sandamna ni ropui a nih.
Gospel hmasuonin pen pei ei tiu,
Kristien tha lai pawlhai zam lovin;
Hrattak le huoi takin pen pei ei tiu,
Ei hmaa fe chu Lal Pathien a nih.
A thu tiema chun ngir ei tiu, ama ringin,
Mi thlathlam naw nih, mi maksan naw nih;
Ei hmelma ralhai chu ti lova hnawt peiin,
Ei hma thuoitu chu Lal Pathien a nih.
Ei hma tieng sawn pei ei tiu, Lal ram lak tumin,
Thim kulpui le hmelmahai hne peiin;
Zam mei mei naw mei niu, Jehovah rawi ei nih,
Ei ham thuoitu chu Lal Pathien a nih.
Zai ri mawi inthang velin a rawng bawl ei tiu,
Gospel ri mawi inthangin hmun tinah;
Sak le thlang sim le hmara min "Hosanna" ti'n,
Lalpa'n a mihai Sandam raw seh, "Amen."
