I hringnun hi i ta an nawh
Phuahtu: Rev. V.L. Sanga
KHTB 297
I hringnun hi i ta an nawh,
Mi petu Lalpa ta a nih;
I hringnun hi i thu an nawh,
Tlantu Lalpa thu a ni lem.
A hi i rawng bawlna awm hrim chu a nih,
Isu inthawina hringa innghat hi;
I taksa ngei chu inhlanin,
Mani rawng inbawlna i nei ta'm?
Mana inchawk i hringnun hi,
I kut, i ke felna hmangruo;
Lalpa Isu chun an tlan tah,
Tisa ditzawng thaw ta lo di'n.
Taksa thi theia hin suolna'n,
Chang naw sienla rorelna hmun;
I nunin Lal chawimawi raw se,
Mani rorelna sukdik rawh.
Thienghlim sien la, i hmangaina,
Indik raw se, i rorelna;
Suol tieng theida'n tha tieng pawm la,
Zawng rawh, Lalpa chawimawi dan ding.
