Piellei hi chu thena ram a nih
Phuahtu: John F. Vanlalphut
KHTB 296
KAN LA TIEM NAW CHE
Piellei hi chu thena ram a nih,
Ka ngai tak puon ang i lo chul tah;
Ka dawn hin lugn hrim a awi thei nawh,
Tap tapin tlai ni ka leng awm ie.
Aw ka ngai che aw hung kir nawk rawh,
I lenruolhai le u le nauhan;
Phai khaw ram deiah tah zai kan rel,
Kan la tiem naw che, zamuol liem chu.
I liem el ding chu kan la phal nawh,
I sulhnung sapui runrem a hin;
I lenruolha'n tapin kan zawng che,
Van khawpui tuollai kan thlir ngam nawh.
I mi fesan kir zai rel lovin,
I hma tieng ram mawi chu thlir peiin,
I beisei Lalpa hmel hmu dingin,
Thlamuongin van khawpui i pan tah.
Fe ta la aw Lalpa'n a nghak che,
I tlung pha le chun, lo lawm a che;
I rawng bawlna le inrimnahai,
Chawlsan tang i tih, a ke bulah.
