Bethlehema sandamtu a hung pieng
Phuahtu: Pi Khawli
KHTB 294
Bethlehema Sandamtu a hung pieng,
A puon ropui le a Lal lukhum;
A zalna laikhum chu hung maksanin,
Bawngin sunga sawn ranthlengah an inzal.
Aw, ka suol leiin thina rinum a tuor,
A hmangaina hril seng ruol an nawh ie;
A thlarau an thla khawle a var tah,
Suol le doral ngamin Jordan ral a kai.
Ka muolphona puon an insiltir a,
Ka khum aiin hling lukhum an pek;
Ka thuom inbelin Setan ral lien chu,
A mi hnepek tah, a thisen suoka chun.
Khawvel mawina nekin i mawi lem ie,
Suk-elna puon sen kha sil la khawm;
Chatuon ram mawi chu i mi hawng pek tah,
I hming ropui tak raw se, Halleluijah.
Ka suol faina di'n a thisen a suok,
A tlawm lai hmel khawm a mawi ngei;
A ropuina famkima an thuom pha,
A hmangai hmel nisa ang var tang a tih.
