Dam lai tuipui lien chunga hin
Phuahtu: Rev. T.Khuma
KHTB 285
Dam lai tuipui lien chunga hin,
Hma tieng ka pan kir rel lovin;
Lungngaina le lawmna ka ta,
Tapna le innuina ka ta.
Ka chatuon hmun ka hnai ni tin,
Ka lawng in tieng an tawl mek a;
Ram thar chu la tlung ngei ka ta,
Nunhai khawm indang tang a tih.
A changin suor sietna hmunah,
A changin tui dam ka tlung a;
A changin thlaphangna hmunah,
A changin thlamuongna hmunah.
A changin thlipui a hranga,
Khuo an nimin ka phunnawi a;
A changin khuo a hung tha a,
Kawl an thiengin lawmthu ka hril.
Suol le tha indona hmunah,
Hriet lo rama kan vai sungin;
Santu ka ngai, ruol tha ka ngai,
Lam indika mi thuoitu din.
