Muongna hmun ka tlung pha chun
Phuahtu: Pu Darneilal Khelum
KHTB 250
BUOINA SUMPUI
Muongna hmun ka tlung pha chun,
Lungngainahai ral tieng khin;
Thlaler lum ka pel pha,
Ni ropui var tang a tih.
Aw! Pa, lungngai sum,
Ka tuor thiem nawh;
Ka mitthli hulna ding,
I ram ngaiin ka'n rum.
Thlalera ka cham sung hin,
Rinumnan a mi tuom vel;
Hnemtu nang Lal Isu,
Mi dawn la, thlalera hin.
Ka lengna, tapna ram hi,
Hnung-hma ka hei thlir velin,
Bel ding hrim a um nawh;
Thlemna sumpui zing hnuoi-ah.
Hmun khawsawt ram re a hin,
Lusun rieng nau kan vai lai;
Van khawpui chauh ka ngai,
Chu chun lawm hla sak ka tih.
