Ka hringna hi ka ta an nawh
Phuahtu: Upa Lalsang
I THU ANG PEIIN
Ka hringna hi ka ta an nawh,
A mi petu Lalpa ta a nih;
Ka hringna hi ka thu an nawh,
A siemtu Lalpa thu a ni lem.
Ka ngaituohai a thlawn a ni a,
Ka remruotnahai a pei thlak tah a;
A thu ang taka um dingin a mi dit lem a nih.
Mi rilohai remruotna chu,
Hraw tumin ka lo inbuotsai a;
An hlawtlingnahai po po chu,
Inhnar tlak an nawh ti'n a mi hril.
Mihai malsawmna ka ngaituo'n,
Hriet thiem intak hi ka ti hlaka;
Nau ka i lawm taphawthai chu,
Ka vuok, hlak, ti'n a mi dawn a nih.
Ka Lalpa remruotnahai hi,
Hriet thiem intak hi ka ti hlak a;
Keiin vangduoina ka ti hi,
A hmangaina suklangtu a nih.
Tuta inthawk chu aw Lalpa,
Ka hringna hi i thu ni ta sien;
I thu ang peia um dingin,
I rawl mawi mi'n hriettir zing hlak rawh.
