Bung tam tak le chang tam taka
Phuahtu: Rev. KT Amos
KHTB 236
A HMING MAKA REMRUOTTU
Bung tam tak le chang tam taka,
Zawlneiha'n an hril lawk kha;
Vawisun hin Lal David khuoah,
Sandamtu a hung pieng tah,
Lal Krista, Pathien ruot chu;
A hming maka, Remruottu le-
Chatuon Pa, rem Lal a nih;
A ramin tawp ni nei naw nih,
Lien pei a tih chatuonin.
Khawsak mi varha'n an hung zui,
Lal arasi hung var chu;
An ro thil nei hluhai chawiin,
Mura, beraw, rangkachak-
Leh Lal chibai buk dingin;
Thangvan si-ar chu zui peiin,
Chun Mari kuoma naute;
Kan thlenga zal an va hmu chun;
Lal chibai an va buk a.
Berampu chu an thova,
Angel thu hril chu awiin;
Zanah an beram venghai chu,
Maksanin an hung suok a,
Lal arasi zui peiin,
Bethlehema naute Krista;
Chun Mari chawi an hmu chun,
Lawm le hlima inpak peiin;
An kir nawk tah, an hmun tieng.
Judahaiin an hrietthiem nawh,
An Lal Messiah hung pieng chu;
A thina ding thu an phier vel,
Krosah an hemde tah a;
Suomhmanghai inkara chun,
Ei suol man bat tlakan dingin;
Hmelma hriem tinreng a tuor,
A vuokna invuolhai lei chun,
Sukdamna ei lo chagn tah.
