Um khawsawt nin tlang tin ka chuon a
Phuahtu: Pi Darchawngpui
KHTB
KA RAM NGAI CHU
Um-khawsawt ni'n tlang tin ka chuon a,
Lunglai hnem an kim nawh ram ngai chu;
Aw, ka chengna ram suoksan ni la tlung a ta,
Tap ta nawm ei nih.
Aw, ka ram ngai chu,
Parte mawiin a bawm ie;
Raira rieng mi dawn la, i zarah,
Lalna par mawi hmunla chang ngei ka tih.
Thei chang sien la vate'n chang inla,
Thangvan sangah vuongin leng ka tih;
Kalvari tlanga thing tawngsephur chungah chun,
Va chuong veng ka tih.
Khuo hmunah leng inla ruol kimin,
Um-khawsawt lungleng hi bo a tim;
A ni nawh, ruol kimin lungleng a bo chuong nawh,
Tap a bo chung nawh.
Aw, leh, tuor tlang ei tiu lungleng chu,
Chung Pathien malsawmin dam inla;
Rauthla khuo hmuna chun la leng ve ngei ei tih,
Hnuoi ram maksanin.
