Hun a tawi taluo ie hnuoi nun lawmna par hi chu
Phuahtu: Pautinkhup
KHTB 224
Hun a tawi taluo ie, hnuoi nun lawmna par hi chu,
A chul nawk tah a vul inhman ta nawh;
Inthena ding kawlah ni a suok nawk tah ie.
Dam takin, unau ngaiumhai, inthe tang ei tiu,
Thlarau thuoia mani hmun le ram tieng panin;
Lal Isu'n mi veng sing raw seh, kumtluongin,
Hring le dama inhmu khawm nawk dingin.
Tawngse nghatna an leiin maw, lawm a kim thei nawh,
Intheng ei tiu, Lal sin thaw seng dingin;
Ringa'n Kalvaria insui khawm nawk dingin.
Inngai mana inchei thei ding hlak chu ei ni nawh,
Hun a liem tah, ko kir thei an ta nawh;
Inthe nawna khawpui Salem thar ei ngai ie.
Tapa ei inthena Sinlung ram ni sienla khawm,
Ei nghak Lalpa ni ropui tlugn ding chu;
Lungngaina lawmna changin lan nui ngei ei tih.
