Aw ka laina aw ka hmangai
Phuahtu: MJ Sandy
KHTB 219
HMANGAINA HLIEKHU RAWH
Aw ka laina, aw ka hmangai,
Khawvel rinum maksanin;
I Sandamtu ropui panin,
Vawisun i mi maksan tah.
Aw Lal Isu, aw Lal Isu!
Hmangai takin lo thlir la;
Suol nauhai ni ta inla khawm,
Aw nangin lo hliekhu rawh.
Khawvela hin ka hung pieng a,
Vengin i mi chawm lien a;
Kan ta dinga i hung ruot kha,
Hmun ropui a mi changsan.
Nakie leh Lal Isu zarin,
Kona rawl mawi hung chawiin;
I hung kir nawk hun ka nghak ie,
Kei din hremhmun ang sien khawm.
Mi ropui sang tam tak fehai,
Hmun ropui an lut dingin;
Nangin thuoiin lo hmuok i ta,
An lawmna hung kimna di'n.
Aw Lal Isu, khawsawt takin,
Kan inthe ni a tlung tah;
Nisienlakhawm, ngaituo naw ning,
Nang Sandamtu i um si.
