Tawngsie hrim um lo pathien beramte
Phuahtu: Siama
KHTB 148
AMEN HUNG EL TA LA LALPA ISU
Tawngsie hrim um lo Pathien Beramte,
Lalthungpha chu a um zan a um nawh;
Khawnvar eng le ni eng ngai lo,
Pathien le chun chatuonin rorel lem an tih.
Amen, hung el ta la Lalpa Isu,
Lalpa Isu lunginsietna chu;
Mi thienghlimhai kuomah um raw se,
Halleluijah Amen! Halleluijah Amen!
Lalpa zawlneihai thlarau Pathien chun,
Thil hung tlung lawk dinghai chu entirin;
"Ngai ta ka hung vak ding an tah",
Hieng thu hril lawk pawmhai chu an eng an thawl ie.
A hun chu a hung tlung ding an ta si,
Mi fel naw chu, sukfel lovin um sien;
Mi thienghlim chu sukthienghlimin,
Aw, lo um pei raw se "Ka hung vak ding an tah."
Hrillawkna thua mi'n a lak hmang chun,
Hringna thing le khaw thienghlima chan;
Chu Pathienin la hmang a tih,
Hieng thu hriettirtu hin, "Ka hung vak ding an tah."
