Pielral ram mawi ka tlung ve pha chun
Phuahtu: Rev. Liangkhaia
KHTB 134
NUNHLUN THING LE LALPA
Pielral ram mawi ka tlung ve pha chun,
Khawvel bohmang ding ka suoksan pha leh;
Aw, hring nun taksa ngai ta naw ning,
Nun-hlun thing le Lalpa chel ka tih.
Aw, ka chak ie, Pielral ram mawi,
Tho nawk nauhai tuollai an lengna;
Thina lusun, tapna bo a tih,
Aw pielral, ka ta di'n inhawng rawh.
Chu ram ka thlirin ka lung a len,
Beramte le an tlan sahai an leng;
Khawvel ngai lovin an mi hnung sawn,
Chu ram chu ka la tlung thei hri nawh.
Nakie pha khuo la hung var a tih.
Ti ka hrietin ka tap lai ka ma hlak;
Hnuoi rinumna mi tuomtuhai hi,
Khel ka tih, chu ram ka tlung pha chun.
A chun tiena tuora hliem hnunghai,
Hlim takin an leng ie, an rieng nauhai;
Sandamtu le antlansahai leh,
Aw the lova ei leng hun ding chu.
