Lungngai hmel hrim hrim a um nawh
Phuahtu: Rev. Chhawna
KHTB 121
LAWMNA HAWILO PAR
Lungngai hmel hrim hrim a um nawh,
Angel varhai lengnaa chun;
Khawvel lungngai tuor inrumha'n,
Taplao main, Lalpa an bel.
Lalpa, chu ram chu min thlirtir la,
Hi khawvela ka leng lai hin;
Lungngai tuora ka tapna hi,
Aw, nem takin lo tuor ka tih.
Aw, chu hmuna lenghai po chun,
An thetahai ngai lo dingin;
Hringna lunglo tui an dawn tah,
An thliek lawmna hawilo par leh.
Thlir pei inla, hmun ropui chu,
Angel var le Zing Arasi;
Romei an zam, lung an leng zuol,
Beramte tuol lengna a nih.
Chu hmun ropui ka tlung pha chun,
Kei khawm Lalpa'n mi umpuiin;
Angel varhai laia lengin,
Chatuonin Lal inpak ka tih.
