Sandamna kawt an hawng tah ie kalvari tlangah
Phuahtu: Upa Tawnluaia
KHTB 99
Sandamna kawt an hawng ta ie, Kalvari tlangah,
Lungngai inrieng hmun nei nawhai;
Lawma ei leng vena dingin,
A siem ta ie, Van Lal in khi.
Ka hung pan ie, aw ka Lalpa,
I hmun siem chu;
Suol le buoina ral lien sien khawm,
Nangin mi lo kei thuoi pei rawh.
Ka thlarau, I Sandamtu thina Kalvariah,
Sun le zanin va leng rawp la;
A chun i chengna ding ram chu,
Thlir la, i lungngai hnem a tih.
Thil hlui po po an bo tah, an hung thar nawk tah ie,
Suola hliem hung hungn tho ve ro;
Chengna ding ram inhawi a siem,
Lawma ei zalenna ding chu.
Immanuel hnuoi le van thar khawpui inhawiah,
Aw, iengtik am tlung veng ka ta?
Ka ngai em el, chatuon ram khi,
Lenruol lungdit kimna ding chu.
