Van beramte Lalpa Isu chun
Phuahtu: Pu Awnzasawi
KHTB 92
SANDAMNA LAMPUI
Van Beramte, Lalpa Isu chun,
Sandamna lampui fe theina;
A hung hawng tah Kalvariah,
Tukhawm a nuom chu fe thei an tih.
Ka Sandamtu, ka Tlantu kuomah,
Chu Kalvari tlang chunga chun;
"Hringna tuikhur a luong" an tih,
Sandamtu nak hliema luong suokin.
Chu hringna tuikhur hlu taka chun,
"Thisen hringna a um" an tih;
Suol tinreng fai theina a nih,
Ka Sandamtu thisen hlu suok chu.
Sandamtu a lungngaina hmun chu,
Getshmani huon thim a nih;
Thing tawngsepur chu phur pumin,
Kalvari tlang tieng chu a pan tah.
Kalvari thing Kros chunga chun,
"Ka dang a char" tiin a khek;
A pe dingin fe thei inla,
Lal Isu kuom, Kalvaria chun.
