Aw van thli ka ngai em che hung leng rawh
Phuahtu: Hrangchhuana
KHTB 55
Aw, Van thli, ka ngai em che, hung leng rawh,
Ka lungrila sumpui zing hlip kieng la;
Thim le lungngaiin kei a mi tuom vel,
Kan pan lal chatuon pielral khi a hlie.
Aw, Lalpa ka tadinga Nang iengkim,
Hringna tuikhur I nih ka ngai em che;
Ropuina le van hmun ka hni chuong nawh,
Van chu nang I lo nih, mi umpui rawh.
Tiena chun Eden par tlana leng hnung,
Kan invai khawel suol le thim hnuoiah;
Sienkhawm Kalvari tlanga leng hai chun,
Chatuon ram Eden inhawi khin a hnem.
Hnui parte a vulhai chu an hung tuoi,
An lawm hla le an ri mawi khawm a bo;
Aw ka Lal I hmel ruok chu a tuoi nawh,
Mi hnemin chatuonin vul pei a tih.
I hming ka kovin inthim an kieng hlak,
Thlaler ram khawswat hi hlain kan awi;
Ka lawmna a thar pei ka hril seng nawh,
I engin ka ta di'n khuo a var tah.
