Ka um khawsawt lunglen ni hin
Phuahtu: Rev. Khuanga
KHTB 52
ENGTHAWLNA RAM KA NGAI
Ka um khawsawt, lunglen ni hin,
Aw, ka thlir vel hi hnuoi ram hi;
Lungngai sumin tlang tin a bawm,
Ka thla rieng lungngaiin an vai.
Aw, mi thuoi la, dam lai lungngai,
Sumpui zing hnuoia hin;
Mi umpui la, aw ka Lalpa,
Taplai ma tang ka tih.
Aw, ka lungkham Arasi khel,
Angel var lungruol an lengna;
Kei khawsawt an rieng ka tapna,
Lungngai sumpui zing hnuoia hin.
Aw, ka thlarau, I lungngaina,
Hi hnuoi rinum hi suoksanin,
Thuva angin vuongin leng la,
Engthawlna ram khawpuia chun.
Chu chun lungngai tap le buoina,
Um ta naw nih, Kanaan ramah;
Aw, Sandamtu mi thuoi pei la,
Thina varal ram mawia chun.
