Gethsemani hmun chu an lo thleng a
Phuahtu: Lalthanmawii
Satu(te): Fiona Pachuau
Doh is D
ENGMAHIN A CHHANG LO
(S&T)
Gethsemani hmun chu an lo thleng a,
Venpui turin Isuan a sawm vel e;
Rilru lungngai thihna khawp tuarin,
Abba nangma thu ni rawh se a ti.
(S,A&T)
Venpui tura sawm ten menpui si lo,
A tawk tawh e, a hun a thleng dawn ta;
Mantirtu tur chu a lo hnai e,
"Rabbi" tiin chhinchhiahna chu a hlen ta.
(Mipa)
Khandaih leh talhtum nen Lalpa an chhawm,
Venpuituten hlauvin an thlahthlam ta;
Tihhlumna'n dawta hekin an chhal,
"Krista, Pathian fapa i ni em?" tiin.
(SATB)
Engmahin i chhang lo maw,
An hekna che zozai hi;
Tualthattu Baraba hi nge,
Judate lal hi ka chhuah dawn?
Juda te lal an tih a hi,
Engtin nge ka tih tak ang le?
(Mipa)
Sipaihoten nuihza siam nan an hmang,
Hlinglukhum an khum tir puan senduk nen;
Chilchhakin chibai elhsen an hlan,
Chibai Judate lal tiin an nuihsan.
(Hmeichhia)
Golgotha hmun chu an lo thleng a,
Bawhchhetute zingah an chhiar tel e;
Judate lal tih hekna tarin,
Suamhmang pahnih karah chuan an khengbet ta.
(SATB)
Kraws ata lo chhuk ta che,
Mite tidam thintu chu;
Krista chu i ni lo em ni?
Keini pawh min tidam ve ta che;
Midang mah a tidam thin a,
Mahni a intidam thei si lo.
Engmahin a chhang lo maw,
An hekna zawng zozai kha?
Ka Lalpa'n thiamthu a sawi thei lo,
Thiamlo nang leh kei vang a lo ni.
"Ka Pa, engah nge min kalsan?"
Ti a thlaphang a au kha,
Kan sual man bat a tlak zo ta,
Pa lung a awi ta e.
