Tiena aiguptaa lungngaihai
Phuahtu: Patea, Zothanga
KHTB 46
KA RAM HLUI AIGUPTA
Tiena Aiguptaa lungngaihai,
Chunghnung kutin mi thuoi suok la;
Ngai naw ningah, ka ram hlui Aigupta,
Hmangaina Lal thutiem ram kan pan chun.
Sumngir var, hma thuoi pei rawh,
Nang zui pei kan ti che;
I tiem ram Kanaan mawi chu,
Aw, mi thuoi tlung ngei la;
Kanaan par tlana leng ka nuom ie.
Thlaler puon-zar hnuoia inthawk hin,
Tapin Zion ka hang thlir a;
Lung an leng ie ka thlir pei ding a nih,
Kei neka ngai chong che um an tim maw.
Paran thlaler ram tawl ka tlung tah,
Ka chau em ie, hring ka zuom nawh;
Ka ngai Nun-thing, I zar inhawi tak chu,
Nang naw chu lunglai hnemtu an um nawh.
Ei tlung vang tah, ei pan ram mawi chu,
Salem vangkhaw ri chu ngai ro;
Kanaan lenkawl eng chu an zam vel ie,
Israel, lungngai lovin hlim ta rawh.
