Dam lai tuipui dung le vai fang inla khawm
Phuahtu: Thanher
KHTB 37
Dam lai tuipui dung le vai fang inla khawm,
Hma tieng khaw mawi, Kanan chu thlir peiin;
Ka lawmman Lallukhum chu a hnai tah ie,
Tapin khawvel hi hmang sawt ta naw ningah.
Sawt ta naw nih, dam sung lungngai buoina,
An mi kona rawl chu ka hrietin;
Lalthungpha vela an nghakhlana rawl chun,
"Hmangaihai tap khuo a sei taluo," an tih.
Kan vakvaina vadung hi sei sienla khawm,
Thuoitu Hmar Arasi chu thlir peiin;
Lawng chawlna tlang thienghlim chu min tlun a ta,
A chun hmangai ruoldithai kim tang an tih.
Pan pei ka tih, chatuon thlifim lengna chu,
Tuoi lovin partehai an vul zing ie;
Beramte le van parte vul zinghai chu,
Thisen zarin aw, la hang tlung ngei ka tih.
An hril lung mawi tuollaia ka leng pha chun,
Hnung tieng muol liem ding hi ngai ta naw ning;
Chuong lung mawi Lalpa ram sukmawituhai chu,
Chul ta lovin, chatuonin var zing an tih.
