Ka naupanna rilru i hria Lalpa,
Theih tawpa hmangaih che tum mah ila ,
Mita ka hmuh benga ka hriatte hian,
Isu i kawng lakah min hruai pêng ṭhin.

Thinlunga a ruktêa ka veite hi,
Sawichhuakin au chhuahpui ngam ni ila,
Miten ka nun min chhiar min thlir reng ṭhin,
Thawnthu dang miten min ziah sak ṭhin.

*Ka duhthlanna sâng ber hlan nan
Nanglo tunge awm chuang?
Ka nun a tir, a tawp thlenga hretu chu,
Duhthlan tur pakhat chauh pawh nei ila,
Nang ka thlang ang che ka Lal Isu.

Chhingmit lena Khuavel ka fan châng hian,
Lei mite nun chiar dan anga chhiar lova,
Suangtuahna ramah mahni khawvela chengin,
Mi mawl, mi â, min tih châng ka tawng fô ṭhin.

*Chutin selna anka ka tawng chang hian,
Damlai nun thlakhlehna pawh nei lovin,
Lungngaihna thuah thim hnuaia ka awm chang hian,
Nang lo chu tudang rêng ka ngai ngai lo.

*Ka duhthlanna sâng ber hlan nan
Nanglo tunge awm chuang?,
Ka nun a tir, a tawp thlenga hretu chu,
Duhthlan tur pakhat chauh pawh nei ila,
Nang ka thlang ang che ka Lal Isu.

Ka famkim lohna tifamkimtu.