Kan taksa lei in vaivuta siam hi
Phuahtu: H. Lalhlimpuia
Doh is E♭
Kan taksa lei in vaivuta siam hi,
Hlun tur a ni lo, a kîr leh thuai dâwn;
Hmuhsitawm taksa hi ropui takin,
Thlarau taksain kan tho leh dâwn a ni.
Aw, chu khawpui mawi leh nuam takah chuan,
Tlan saten Lalpa chu an fak a;
Lunghlu kawngkhâr mawi leh nuam takah chuan,
Hmangaih lenrual lungduh nęn kan leng tawh ang.
2.He lei taksa hi vân taksa anga
Thawhlehna ni ropui a thlen hun chuan,
Chak lo tak nun kha phumin awm mah se,
Thiltithei taka kaihthawh a ni dâwn e.
3.Vânram nawmzia tur ka ngaihtuah thîn a,
Piangsual, chanhai leh ropui angkhatin,
Kan taksa thawhlehna ni ropuiah,
Berâmno chu fakin kan leng za tawh ang.
4.Tâwtawrâwt hnuhnung ber a rîk hun chuan,
Kan zain tihdanglam kan ni vek ang;
Tâwtawrâwt chu a ri ngei dâwn si a,
Lalpa ni ropui a lo thlen hunah chuan.
