MizoLyrics.Com Mizo Lyrics - Ka lungkham ram eng mawi nuam tak mai chu

Ka lungkham ram eng mawi nuam tak mai chu
Phuahtu: Rokunga
Doh is B♭

Ka lungkham ram eng mawi nuam tak mai chu,

Chatuan khua romei kai hnuaiah sâwn;

Vân mite zai mawi ri chu ka hriatin,

Thinlai riang dâwn lai lung a leng e.

Tah chuan lungngaih tahna reng a awm lo,

Tlantu fak zai an inkhap zo lo;

Hlim takin nunna tui thiang an dâwn a,

Chatuan ram ni tla ngai lovah khian.

Chu ram nuam hmun hring cham chunga l>ngin,

Hmangaih thu an hril vel bâng lovin;

Vân tingtang hrui ri mawi an tum ri chuan,

Hmangaihna hla mawi ropui an sa.

Chuta kan mi lungduh kal hmasaten,

Lui râl mawi atang chuan min au ve;

Lei lungngaih rum thâwm ri chu an hriatin,

An hnena tel ve atân min sâwm.

Chutah chuan kei pawh ka la han châwl ang,

Chatuan hmangaihtu Lal kiangah khian;

Engtia lâwmna nasa tak awm ang maw?

Chatuan lâwmna chuai chuang lo tur chu.

:

Rokunga Hlate

Mizo Lyrics Available at