Lal Isua tan khawvel lak kan tum ber lo ni se
Phuahtu: Cath Johndon
Doh is E♭
Lal Isua tân khawvel lâk, kan tum ber lo ni se,
Thingtlâng phai hmun kan hriat phâk, khawmual tuifinriatte,
Mi zawng zawng a hma kunin, khawpui leh daiah pawh,
Lal Isua tân khawvel hi tunah lo chang nghâl se.
khawvel zawng zawng, khawvel zawng zawng,
Khawvel zawng zawngah puang darh r’u, Chanchin tha chu;
Lal Isua kraws chawi sâng r’u, hnam tin, chi tin miten,
A thu an zawm kim vek hma chuan puang zau zel r’u.
Lal Isua tân khawvel lâk, tih hian thinlung a hnem,
A thisena a lei sa, Adama thlah zawng kha;
raws zârah kan ngam ngei ang, beidawng lovin bei la,
Lal Isua tân khawvel lâk ni ropui a thleng ang.
Lal tân khawvel hneh tuma bei turin thu min pe,
Kal la, Chanchin tha thu hi ram tinah aupui teh;
Lal Isua tân khawvel hi hneh ngei tuma beiin,
Puanzâr ropui nen tangin kan rin thupek zâwmin.
Pa lenna thangvân sângah in ropui tak a awm,
Hmangaih leh eng mawi zâm vel, a mite min tiam hlawm;
Chungnung ber hnehtu Lal lian, lo chhuak la, kan nghâkhlel,
Hnam tin leh chi tin mite i tân i hruai khâwm hun.
