Aw Lalpa ka chungah zahngai la
Phuahtu: K. Saibela
Doh is G
Aw Lalpa, ka chungah zahngai la,
Sualin bo rei tawh mah ila;
I lamah min hîp leh ang che,
Nunna thuruk chu ka hloh dâwn hi.
Khawvelah lâwmna a bo,
Lungngaih, mangan a zual fo;
Mahse, Nang ka ta i nih chuanin,
Lâwmin ka khat ang– tunah pawh.
I zahngaihna hlu tak avângin,
Ka nun tlâwm hlimin i zuah fo;
I aw nem tlânsana bo thîn,
Aw, i lamah min hîp leh ang che.
Lal Isu, ka hnenah lo cheng la,
Min awmpui la, chatuan thlengin;
Setana ka ngam dâwn loh hi,
Aw, lo hnai langin ka ngam ngei ang.
Aw, min chelh tlat la, eng lai pawhin,
Ka duhthlan i tân ni vek se;
Kan Lal Isu, zaidam, nunnem,
Ka hnenah cheng la, min kalsan suh.
