Chatuan Pathian hmuh theih loh fing bera chu
Phuahtu: Walter Chalmers Smith
Doh is G
Chatuan Pathian, hmuh theih loh, fing bera chu,
I eng thianghlim vângin kan hmu thei lo che;
Zahawm leh ropui tak, chatuana Lal chu,
Engkimtitheia chu kan fak fo vang che.
Châwl ngai lo, hmanhmawh lo, eng anga dîmin,
Chham lo leh kiam chuang lovin ro i rel thîn;
I felnate chu tlâng aiin a sâng zâwk,
Hmangaih leh thatna khurpui, chh<m piah thleng khian.
Thil lian leh thil te chu nunna i pe thîn,
Thil nung zawng zawng nunna tha tak i ni si;
Kan lo pâr, kan lo chuai, ram pâr mawi angin,
Nang chu pangpâr chuai thei ngai lo ang i ni.
Lal thianghlim, eng leh Lal ropui bera chu,
Vântirhkohvin zah em emin an fak che;
Tel ve chu kan duh e, aw, min hmuhtîr la,
Ropuina eng chuanin Nangmah a hliah si.
