Tlaini kawl a liam a
Phuahtu: J.D. Burns
Doh is D
Tlaini kâwl a liam a,
Zân khua a lo ngui ta;
Israel maichâm kiangah,
Khâwnvârte a eng a;
A lo ri e, thangril laiah,
Chung Pathian aw ngei a lo ri.
Zân mu chhîng puithiam chu,
Laikhum a zâl laiin,
Hai ang thang Samuela;
Chu zân reh lai takan,
Biahthu ril ngei chung Pathianin,
A lo hlân, Hani hrai tâwnah.
Aw Lalpa, ka Pathian,
Hmâna Samuela ang khân,
Ka bengte tivâr la,
Inpeih tur min pui rawh;
I kohna aw nem zawi te pawh,
Hriaa ka zawm zel theihna tur.
Samuela thinlung ang,
Lalpa, min puttîr la;
Chhun emaw, zân emaw,
Khawiah pawh ram tinah,
I thu ang ka zawm fo theih nân,
Thinlung thianghlim min neihtîr rawh.
