Ngai teh van lal nau ang pian ni
Phuahtu: Lalhmingliana
Doh is G
Ngai teh, Van Lal nau ang pianni,
Zaitin thangvawr in ka hril dawn em ni;
Chhingkhual hringmi zaleng zingah,
Aw, ka lal chun leh zua in riang mang e.
Lam ang letin an hawi vel a,
Khualbuk vengtu biahzainem an hlan e;
Hraite pian nan hmun min kian r'u,
Aw, riangvai chanhai chhingkhual a ding reng mai.
A na lua e, ka tuar zo lo, Vanlalrengpui,
Hmangaih vanga inngaitlawmin;
Kan tan lei sual thim hnuaiah i lo vakvai.
An rawn chhawn e khualbuk vengtu'n,
Hmun a awmlo tih biahzai an hlan e;
Riahrun chang lo chun riang Mari'n,
Aw, Bethlehem dai khawhar a hrut dawn maw?
Bethlehem mual tlaitla engah,
Riahrun zawngin laitual an fang vel a;
An tawng silo riahrun kaina,
Riakmaw sirva iangin kaina run an vai.
Khualbuk chang lo ka Lal Riangvai,
Ran chawpekna thlengah an zal tir maw?
Thinlung tinin hmun lo kian r'u,
Aw, thinlainain luaithli ka nul leh thin.
A hnuai a mi hi a phuahtu phuahdan dik tak zawk chu a ni a. Mahse DMI Hla Bu atana ka compile avangin DHB-a an dah dan ang angin a chungah khian ka dah chhuak a ni e.
Ngai teh, van Lal nau ang pian ni,
Ngai teh, van Lal nau ang pian ni,
Zai tin thang vawrin ka hril dawn em ni?
Chhingkhual hringmi zaleng zingah,
Aw ka Lal chun leh zua in riang mang e.
A na lua e ka tuar zo lo van Lal Rengpui,
Hmangaih vanga inngaitlawmin,
Kan tan lei sual thim hnuaiah i lo vakvai.
Bethlehem mual tlaitla engan,
Riahrun zawngin laitual an fang vel a;
An tawng si lo, riahrun kaina,
Riakmaw sirva iangin kaina run an vai.
Lam ang letin an her vel a,
Khualbuk vengtu biahzai nem an hlan e:
"Hraite pian nan hmun min kian r'u,"
Aw, riangvai chanhai chhingkhual an ding reng mai.
Laikhum chang lo, ka Lal riangvai,
Ran chaw pekna thlengah an zaltir mai;
Thinlai rukah tuar har min siam,
Aw, thinlai nain luaithli ka nul leh thin.
Hmanah Bethlehem ang khanin,
Van Lal fa chuan riahrun a rawn zawng a;
Thinlung tinin hmun lo kian r'u,
A vahvaih nan Judai ram kha tawk rawh se.
