Lung min len ka thlir ning dawn lo
Phuahtu: L. Kamlova
Doh is E
Lung min len ka thlir ning dawn lo,
Lei lungngaih piah ram saw;
Damlai lungngaih chhumpui zing hi,
Ka pel ang tahna ram.
Lei lungngaih mittui a hul ang,
Ka tahlai ni a ral ang;
Aw, Lalpa hmel hmuh ka nghakhlel,
Aw, ral mai rawh, lei ninawm.
Kalvaria ka hreng ropuia'n,
Vanram kawngkhar a hawng;
Va chuan ta la, aw, ka thlarau,
I ramhlun tur a lang.
Ka tahlai zanthim a ral ang,
Jordan luiralah sawn;
Aw, ka ngaih, ka lawmna ber te,
An lenna ramah khian.
Aw, engtik nge ka thlen ve ang,
Ka chung khua nuamah khian;
Luikawr thim ka daikai hunah,
Tahna ram ka ngai lo'ng.
