A chatuan ro luah tumin i bei zel ang
Phuahtu: Thangvungi
MKHTB(1936) 84
Doh is F
A chatuan ro luah tumin i bei zel ang,
Lungngaihna a lo len lai hian;
Ka kiangah awm zel ang che aw,
Ka Chhandamtu duhtak.
Ka Chhandamtu duhtak.
Aw, hlimna ram i pan ang u,
Chawlhhlenna tur;
Aw, ka ngai e, thente zawng
Kimna tur ram khi.
Kimna tur ram khi.
Lei mawina tinreng pawh hi a la ral ang,
A chuai lovang chatuan Lalna chu;
An hril zel ang thangthar thlengin,
A ram a kin lovang.
A ram a kin lovang.
Mita hmuh loh ramnuam kan tan a buatsaih,
I pan zel ang aw le, chu ram chu;
Aw, chu hmun ngei chu maw lo ni,
Kan chatuan in tur chu.
Kan chatuan in tur chu.
Lei hlimna ral leh mai thin hmuna chengte,
Then tawh lohna ram min siamsak vangin;
Halleluiah! Chhandamtu chu,
Fakin awm zel rawh se.
Fakin awm zel rawh se.
