Lei hrehawmna tuam vela ka awm laiin
Phuahtu: H. Thanchianga
Doh is D
KA HAWIKIR LEH TAWH LONG
Lei hrehawmna tuam vela ka awm laiin,
Hmangaihna kohna aw ka hria;
A hnen lam pana ka kal laiin aw,
Khawvel a au kir leh rawh min ti.
Min hmangaihtu chu ka zui zel dawn si,
Khawvelin min lo au thin mah se;
Ka tlan zel dawn Kraws lamtluangah,
Ka hawikir lo'ng ka kir leh tawh lo'ng.
Khawvel thianten hnuchhawnin min thlahthlam se,
Khawvelin hrethiam rih lo mah se;
Kei chuan e Lal rawng ka bawl zel dawn aw,
Lei hrehawmah ka kir leh tawh lo'ng.
Ka hmatiangah Kraws par rimtui a leng vel,
A parmawi hnam tin tan damna chu;
Ka vuan ta, ka thlah leh pha; tawh lo'ng aw,
Ka lawm em em ka kir leh tawh lo'ng.
Anchhedawng hnu Lalber fa ka lo ni ta,
Thu leh hla a hril sen rual a ni lo;
A makin a ropui em hmangaihna,
Ka lungawi em ka kir leh tawh lo'ng.
