He lei hringnun kawng ka zawh mek lai hian
Phuahtu: R. Lalthangluaii
Doh is B♭
A CHIANG LEH ZUAL THIN
He lei hringnun kawng ka zawh mek lai hian
Harsatna thlipui ten min nuai vel thin a
Zirtirtu kan boral dawn hi tia an au ang khan
Lalpa ka auva anin min hnehsak ta.
A chiang leh zual thin harsatna hunah,
A hmangaihna leh A thiltihtheihna;
Ka rah chin zelah a A rinawmna ka hmu,
Ka fak zel ang ka Lal ka chhandamtu.
Hmu tawh leh hre famkim a inngaiin,
Ka duhtawk chinah Lalpa ka zui thin che;
Keimahah ka lo in Pathian ve thinna kawr ngei hi,
Lungngaihna min thlen tu mai an lo ni e.
Khawvel miten hrethiam ve lo mahse,
Van lawmna thuruk keimahah I dah hi;
Kan pawnlam mihring chu lo awngrawp fo thin mahsela,
Kan chhunglam mihring chu siamthar zel a ni.
Nitin Lalpa ka nunah thusawi la,
Mosia iangin hmun thianghlimah min dah la;
Chutin I aw chauh ngaithla in ka zui zel fo ang che,
Rinawmin Lalpa i tan ka nung tawh ang.
