Sual leh thlemna tuifawn karah hian
Phuahtu: K. Lalthanzama
Doh is G
MIN HRUAI LEH TA CHE LALPA
Sual leh thlemna tuifawn karah hian,
Ka thla hliam a chau zo ta;
Chawlhna daihlim nuam ka ngai e,
Min hruai leh ta che Lalpa.
Min hruai leh rawh ka Chhandamtu,
Ka damna kraws hnuaiah khan;
I kut thirkhenna hliam ngei khan,
Min hruai leh ta che Lalpa.
En teh Lalpa, i tlansa te hi,
Kan lawmna a chuai zo ta;
Aw, Thlarau Thianghlim lo leng la,
Min hruai leh ta che Lalpa.
Lungngaih, tah leh rumna karah hian,
Min thlir tir la kraws hlun chu;
Aw, chutah chen reng ka nuam e,
Min hruai leh ta che Lalpa.
Nangmah ngaiin Isu, kan rum e,
Min ti harh thar leh ta che;
I kephah vuanin ka lawm thin,
Min hruai leh ta che Lalpa.
