Lungawina kim Isua
Phuahtu: Rev. T. Lalthantluanga
Doh is D
Ka chunga thil thleng zawng hi,
Hriatthiam a va har ngai em,
Beidawnna manganna leh,
Lungchhiat tahna mai a ni;
Ka nunna a chau zo ta,
Min hnemtu ka va ngai em!
Aw Isu min khawngaih rawh,
Nangmah chauh ring thei turin,
Ka bel ngam lo khawvel zawng,
Hlimna reng a awm si lo;
Min pui turin lo hnai la,
Lungawina min pe ang che.
Khawvel hrehawmah hian,
Zawng lungawina kim a awm lo;
Hlawhtlinna a thlen laiin,
Hlawhchhamna a thleng bawk thin
Chhandamtu Isua chauh hi
Lungawina kim chu a ni.
Hlawhchhamna a lo thlenin,
Lungngaiin ka kun thin a;
Malsawmna petu Lalpa,
Theihnghilhin ka rum thin a;
Min ngaidam ang che Lalpa,
Nangmah chauh ka bel ang che
