Hmun thianghlima sual thawi nana hlan chu
Phuahtu: KLRTete
Satu(te): Aizawl Area Baptist Choir, Hlimhlimi
Doh is A
DAI PAWNAH
Hmun thianghlima sual thawinan a hlan chu,
Daipawnah an hal thin a;
Min chhandam turin amah ngei a hlan in,
Kawngkhar pawnah chuan kan sual phurin a lo tuar,
Hmusit leh tihelna hling lukhum nen;
Sualna reng nei lo chu daipawnah chuan an khai kang.
An hmusitna chu phurin i kal chhuak ang u,
Hetah hian khaw hmun nghet nei kan ni lo e;
Inthawina nung Pathian lawm tlak ni turin,
Hawh u, i chhuak ang u, daipawnah;
A tuarna i tawmpui ang u.
Kawtthlerah thilmakin a in puangchhuak,
Hosana zai vawr mahse;
Vanlal lungawina chu Kavari tlangah,
Thing anchhedawng ah vanlalfapa tuarna chu;
A thil tihtheihlohna luruh hmun chu,
Hawh u, i pan ang u, kan thlarau tan damna kim.
Lalpa, ka thinlung kawngkhar chu hawngin,
Daipawnah ka lo chhuak e;
Lei malsawmna a i hmel hmuhfiah tumin,
Kalvari tlangah min thlen la ka mit var nan;
Ka tan i tuarna chu tawmpui turin,
Min siamthar rawh Lalpa, ka nun i tan ka hlan e.
