Aw ka thlir thil siam zawng te
Phuahtu: Malsawmtluanga Sailo
Doh is A♭
CHAWIMAWINA
w! ka thlir thil siam zawngte,
Tur nipui leh chhawrthla eng;
Chung siar eng mawite khianin,
Siamtu fakin ban zai an rel lo ve.
Virthlileng, khuangruah sur leh,
Sirva zai mawi zawngte hian,
Siamtu ropui chawimawi nan zai an rem.
I zai ang Lalpa fakin,
Kan aw neih zawng zawngte hian,
A khawngaihna, A hmangaihna ropui chu fakin;
Van sang leh tui thuk te hian, A ropui an hril a,
Hringfa zawng paw'n chhandamtu i fak ang.
Aw! a ropuina zawng leh a thiltih theihnate hi,
Chhui zawh sen rual a ni si lo,
Hringmi finna leh thiamna zawngte hian,
Ruamte leh tlang sangte pawh hian,
A ropuina chu hrilin, an fak ning lo,
Lalpa an chawimawi e.
Lalna, chawimawina sang ber aw i tan ka hlan a che,
Lawmna leh lungawina famkim,
Malsawmna lei rohlu min pek a ni.
Keimaha awm tinreng leh ka neih rohlu zawngte hi,
Aw Lal Isu, Ka hlan i ropui nan.
