Ka dam chhung ni zawng hian ka chhandamtu
Phuahtu: C. Ropianga
Doh is E
CHAWL LOVA FAK CHE KA DUH
Ka damchhung ni zawng hian ka chhandamtu,
Nangmah nen lengdun thei ila chuan aw!
Chu aia thlâkhlelh tur thil dang reng an awm lo,
Nitinin i aw min hriattir thin la.
Tuipui sen an kân a, zawlnei Miriami a lâm ang leh,
Thuthlung bâwmin Jerusalem a luh ni a;
I hmaa Israel-te lal a lâm ang khân,
Chawl lova fak che ka duh,
Min hmangaihtu Lal Isu.
Harsatna tuifâwnte ka dai lai hian,
Mangangin tanpuitu ka zawng thin a;
Tuite min daikaipui turin Lalpa nangin,
Min chelh la, ka bânah min kai ang che.
Nakinah chatuan khua a var ang a,
Khitah khian kan lei hringnun ngai lova;
Lallukhum khum tura ka hming an lam hun chuan,
Kalvari hnehna hla mawi ka sa ang.
