Lalpa ka nun hi i hnenah ka hlan e
Phuahtu: Rev. K. Lalfakzuala
Doh is E
I ROPUI NAN
Lalpa, ka nun hi i hnenah ka hlan e,
I dan thu in kaihruai ang che;
I rawngbawl atan min tithianghlim la,
Min hmang ang che i ropui nan.
Min neih tir rawh fak duh thinlung,
Min zawhtir la thianghlimna kawng;
Ka tan a tha e i hnena awm hi,
Damchhung zawngin min hruai ang che.
Lei ropuina leh hausakna zawng pawh hi,
Nei lo in rethei mah ila;
Khawngaih rawngbawlna hna ka tan a tawk e,
Theihtawp chhuah in ka thawk zel ang.
Ka theihna zawng leh ka chakna zawng pawh hi,
I ropui nan ka rawn hlan e;
Chhui zawh sen rual loh i hmangaihna hi,
Ka nunna hian chhang let rawh se.
