Ka um khawsawt ni hin
Phuahtu: Upa Zosiama
VAN TINGTANG PHAIPHULENG
Ka um khawsawt ni hin,
Lalpa, hung leng la, ka lungrilah;
Lungngai nauhai an chawlna hmun i lengna chu,
Mi hril rawh, a chanchin.
A ropui zie thu hi ka hril seng nawh ie aw,
Van tingtang phaiphuleng;
Chawimawina ka ta a ni hun ding.
Hi thlaler rama hin,
Lungngaiin tap inrum hri lang khawm;
Thina varal ka kai pha chun, hmangai Lalpa'n,
Aw, mi lo tuok a ta;
Lungngai mitthli tlakna a bo a tih.
Aw, chu hmuna leng chun,
Thena thu hrim hrim an hril ngai nawh;
Khaw thienghlim le Beramte chu thu le hlain,
Angel var leh Seraf-
Hai le inpak hla an chawl ngai nawh.
Aw, chu hmun tlung ding chun,
Hnuoi rinumna hin a mi dang hri;
Aw, ka nghalhla, i ram thienghlim min thlirtir la,
Hnena tum kau chawia,
Aw, Salem thar fang kar ka nghakhla.
