Aw kalvari tlang saw ka hei thlir a
Phuahtu: Lalzarlien
ṬHB 247.
KA LAWM NGEI IE LALPA
Aw Kalvari tlang saw ka hei thlîr a,
Ka Sandamtu tuorna tlang saw;
Mi ṭisim tlâng, tlâng thlavâiuma sawn,
Ka tuor âiin a tuor.
Ka lawm ngêi ie, Lalpa, ka lawm ngêi ie,
Hieng lawm lawma hmangaina mak;
Ka hril thiem nawh, I va ṭha ngêi de aw,
Inpâk nghawk naw ning cheng.
Hieng ang hrim hrima hmangaina mak hi,
Suol tuipuia pil ta hnunghai;
Hmangainain I mi hung ṭhuoisuok hi,
Nang chau zui ta’ng ka che.
I thisenin a hawng, zalênna ram,
Chu hmuna mi ṭhuoi tlung dingin;
I thlarauvin I mi hung inthuom hi,
Ka lung a awi ngêi ie.
Hril nghawk thei naw ningah, I hmangaina,
Khawvêl ropuina hril lovin;
I hmangaina thu chau hril ta’ng ka tih,
Lalpa, mi ṭhangpui rawh.
Haleluiah, Amen, Haleluiah!
Amen, Amen; Haleluiah!
Lalpa malsawmna tinrêng mi petu;
I hming ropui raw seh.
