Khawvel nun hi ka thlir changin
Phuahtu: Lalthlawnpek
ṬHB 208.
KA TAWNGTAINA
Khawvêl nun hi ka thlîr chângin,
Ka beidawngna chawkthovin,
Ka lungngâina a keitho hlak;
Lalpa, I hmangaina ka thlîr ruok chun,
Ka lungril lawmin a hung sip hlak.
Ka ṭawngṭaina mi dawn dingin I mi ngâithlâk a,
Ṭhangpui ka ngâina tinrênga mi ṭhangpui dingin;
Hmangaina’n I mi en zing a, vân khuphnuoia hin,
I hmangaina khûm zo ding an um nawh.
Harsatna thlî hung hrâng hai hi,
A thlawnin hrâng naw sien la,
I hmêl mi’n hmu zuoltir pei sien;
Lal Isu, I hnung ka zuinaa hin,
Sirbî pawimawah inchang pei sien.
Famkim lona rama hin chu,
Lawmna tak rêng a um nawh,
Isu, I ângsung chauva hin;
Nun hlimna, lawmna, lungawina a um,
Chatuon chena thlamuongna ngêi chu.
