Khawvel mawina le ropuinain
Phuahtu: Lalruotthang
ṬHB 205.
Doh is C
SUOLA SIPIN KA HUNG PAN CHE
Khawvêl mawina le ropuinain,
Ka lungril a hlie khum;
Aw Sandamtu hmu thei lovin,
Ka hun tam lem ka hmang zo.
Suola sipin ka hung pan che,
Aw Sandamtu Lalpa Isu;
Mi ngâidam rawh,
Aw, ka suolna po po hi.
Aw Lalpa, ka hringnun ka’n hlân che,
Nangma ta ding chauvin;
Khawvêl mawinahai mâksanin,
Nangma kuom tieng ka hung pan.
Aw ka hringnun dam sûng po povin,
Nangma chau inpâk sien;
Ka nuom zawnga hring ta lovin,
Nangma dit zawnga hring di’n.
Ka hringnun hi Lalpa suksei la,
I chanchinṭha hril di’n;
Aw Lalpa, ka pumin ka’n pêk,
I ta ding chauva hring di’n.
Aw Lalpa, khawvêl hi hnungsawnin,
I kuom tieng ka hung pan;
Nangma intlanna kraws putin,
Zui ka ti chê, damsûngin.
