MizoLyrics.Com Mizo Lyrics - Hun hi tui angin a luong a muong ta naw ro

Hun hi tui angin a liem a
Phuahtu: Lalhmingthang
ṬHB 163.

MUONG TA NAW RO

Hun hi tui angin a liem a,

Ei khawvêl dam lai nihai khawm;

Nghâk nei lovin an liem hmang zing, sûn ni tinin,

Khawvêl lawmna bo nawk el ding

Zawngin ei lo la muong rawp hlak;

Muong ta naw ro, ka lênruolhai, tawpna a hung hnâi tah.

Hi khawvêla lawmna zawngin,

Mi sâng tam thinain a ṭhuoi;

Sienkhawm lawmna hmutu nei sawng hrim an um nawh,

“Muongna, himna” an ti sûngin,

An tawpnain a hung nang hlak;

Muong ta naw ro, ka unauhai, tawpna’n nang rawi a cheu.

Aw hung ta u, ka lênruolhai,

Sandamna thu hi hung ngâi ro;

Ei Lalpa hmangaina rawlin a ko zing cheu,

In hun inkhêlpui lul naw ro,

In tawpna ding chu ti a um,

Muong ta naw ro, ka lênruolhai, hunin nghâk a nei nawh.

Thina’n ngam naw a nei nawh a,

Natnain ṭi a nei bawk nawh;

Hremhmun khawmin tukhawm lem zo naw a nei nawh,

Sandamna thu i ngâi naw chun,

I chan ding chu ka ngâi ngam nawh,

Muong ta naw ro, ka lênruolhai, thina’n a nghâk zing cheu.

Note: Thalai Hlabu-ah "Hun hi tui angin a luong a", tiin a ziek.

:

Lalhmingthang Hlate

Fakna Hla (Songs of Gospel)

Mizo Lyrics Available at