Chu zan phalbi vur dei lai tak hnuoiah
Phuahtu: Rev. Zothanghrim
ṬHB 292.
Doh is E
Chu zân phalbi vûr dei lai tak hnuoiah,
Chun Mari’n a hring sakhmêl nui sieuin;
A hmel chu hmangaina, lainatna’n a sip,
Vân Angelha’n lawm hla an rem,
Kei misuol tlanna’n hringmi chang ṭul si.
Aw a tlawm ngei maw? Vân Lal naupa chu,
Bethlehem ranthlêngah hring a hung chang tah,
Hnuoi le Vân inremna Chanchinṭha lawmum a nih,
Lawmin inpâk ei tiu, Remna Lalpa chu.
Hnuoi le Vân Lal nau piengna hmun ding chun,
A tlawm taluo ie Bethlehem ranthlêng;
Sienkhawm a’n Lalna an hmu mivar haiin,
Bawkkhupin chibai an bûk a;
An hnawl chuongnaw mitlawm Berâmpu hai.
Suol thina le thim hnuoia inṭhung a,
Ṭi inthin a, thingbul, lungbul biehai;
A hung lût chila Lal silfên chu hlîpin,
Suolna le thina chu hnein;
Tuhin hringna vara ei lêng nawk tah.
Iengleia kei, hilai hmuna um hi,
I hringnaa intlan ngai misuol hi;
I mi hung hriet vawng vawng am ana, Isu,
A mak ngei, Pathien remruot dân,
Lawm a zaiin I hming inpâk ka tih.
