Ka chung ram mawi a khin
Phuahtu: Dr. H.T. Sangliana
ṬHB 177.
LAWMNA VAKAM MAWI AH
Ka chung ram mawi a khin,
Berâmte Thienghlimin;
Sandamhai a nghak an tih,
Keikhawm mi nghak a tih,
Kawtkhar mawi a khin.
Ka thlîr hlak sûn zânin,
Lawmna vakam mawiah;
Hringna thing zâr chela,
Thiem changa ka ngîr hun ding;
Ka nghakhla Lal ropui hung inhmaw ta rawh.
Chu hmun ropui a chun,
Khawvel buoi le ṭapna;
A um ta ngai awm si nawh,
A va hlimum ding ngei,
Ka ram hlun ding chu.
Vân Angel vârhai leh,
Hnêna ropui lawma;
Vângkhuo an fang ni a chun,
Kei khawm ṭhang ve’ng ka tih;
Hlimna ni a chun.
Berâmte hmêl ênga,
Thienghlimna puon sila;
Ka lêng ve huna chun aw,
Lawmna pâr chatuonin,
Vul zing ta’ng a tih.
