MizoLyrics.Com Mizo Lyrics - Hringna inthieng siemtu an dit nawh zionah thuthlung remkhawm

Hringna inthieng siemtu an dit nawh zionah
Phuahtu: Rev. Thangngur
ṬHB 251.

THUTHLUNG REMKHAWM

Hringna inthieng Siemtu an dit nawh, Zionah,

Hmingsiet le lungngâina phurin an inmantir;

A bei fatuhai kha dorâl an inchang zo,

A sûl hnung an hung zui, mipui tiem sêng naw ha’n,

Juda’n an hma a ṭhuoi, hlêma inmantir di’n.

Chuongchun an man tah a, thiempu lal in sûngah,

Biethu khir tak an tiem, hling lukhum khum dingin;

Hling lukhum an innghat, ka Lalpa lua chun,

Kutin an hang ben a, thisen far zawi zawiin,

Ka Sandamtu an ṭhuoi, Kalvari tlâng panin.

Tuothing an lo remkhawm, Kalvari tlâng chungah,

Kilna an lo sut khawl, ka Lalpa kilna ding;

Ka Lal an khâikâng ie, sakhmêl chul riei rieiin,

A nâkah an sun a, thisen le tui a suok,

Zion kulpui sûngah zâral an rêl suol ie.

An hrillawk ang tak khan Sandamtu’n a tuor tah,

An tiem ta ang ngêi khan Sandamtu a fam tah;

Vân mi inthienghai khin lîr inhnîng luoi luoiin,

Rauthla an hung tho ie, pielleia zâl hnung hai,

Sandamtu sûn dingin khaw thienghlimah an lêng.

I tuorna innghilin suolna a hung zîng hlak,

Sîngmit an hung tuom a, i êng var hlie dingin;

Tuhin hung hlîp kieng la, i êng var sieu sieuvin,

I hmêlah hmangaina mitthli sûr ngiei ngieiin,

Ka lungril suola hin Lalpa, nang hung lêng rawh.

:

Rev. Thangngur Hlate

Mizo Lyrics Available at