1. Ka Pa I nih, ka Pathien ngei I nih;
Hla taka suol bawia kan tâng laiin,
I hmangaina thucha a hung tlung a;
Hung kîr ta raw tlanna ka siem zo tah.
I hmangaina thupêk zâwm chu,
Insîr an um ngai naw maw LALPA;
Hnuoia mi le Vân mi chenin.
2. I aw LALPA I malsâwmna hlu chu,
Nang nêkin tam tak chun an ngaihlu lem;
Tlâksam leia mitthli a hnai lai khawm,
I ram le i felna mi'n hlat naw la;
Nang ngei Isu ka nei che chun,
Ieng dang am ngai ka ta maw LALPA;
Iengkima ka iengkim I nih.
3. Lâwmna zawngin an tlân vêl sâng tam tak,
Hmu lovin thlân thim ah an inkhêlpui;
Ropuina hlim an hnawt chu sûmhlim ang,
Hmu le changtu khawmin an nei sawng nawh;
Nei ngei Isu nei tlâk I nih,
Charuon chena ropui mawi deu deu;
Hnuoi le Vâna malsâwmna hlu.