MizoLyrics.Com Mizo Lyrics - Gethsemane huona ei lal isu a awngai lai lungngai sum a zing

Gethsemane huona ei lal Isu a ṭawngṭai lai
Phuahtu: Rev. Thangngur
ṬHB 248.

LUNGNGAI SUM A ZING

Gethsemane huona,

Ei Lal Isu a ṭawngṭai lai,

Mipui an hung inkhawm, ei Lalpa chu manin;

A chungthu rêlin an ngâithiem nawh ie,

Thiempu lal in sungah a thina an rêl.

Lungngâi sûm a zing, (2)

Ei Lalpa an hung bawm, Kalvari tlâng chungah;

Hlinglukhum le maw thing ṭawngsephur naw

Chu bêl ding a nei naw maw, ei Lalpa chun?

Aw, Simon Peter le

Zirtîr lungngâihai, tho ta ro,

In Lalpa an ṭhuoi ie, a thina ding hmunah;

Vân laia hung tla, vân Lal inrieng chu,

A lungngâi hnêm dingin tukhawm an um nawh,

Hnuoia le vân chungah,

A ṭhat mi hril Sandamtu chu,

Sukhlum ding in tum maw, aw Zion nunauhai;

A ṭhat lai ni kha in nghil zo ta maw?

In lawmna pâr an nawm, in damna pâr chu.

Aw Serafim-hai le

Angel vârhai, zuk en ta u,

Ṭhangpuitu a’n vâi ie, in lawm lai Lal Isu’n;

Khawvêl suol phura a thlaphâng laiin,

“A pa a ko” an tih, lungngâina rawlin.

A en a va’n tak ngêi,

Ei Lalpa Jordan kâi ding chu,

A tha a hung inzâl, a lu a zuk kûn a;

A thlarau an thla, khawle a var tah,

Suol le dorâl ngamin Jordan râl a kâi.

:

Rev. Thangngur Hlate

Mizo Lyrics Available at